වාහන පිටත ගාල් කර කොළඹට සුඛෝපභෝගී බස්වලින් - news.lk

ඉන්ධන දහනය අවම කර ගැනීමේ අරමුණෙන් කටුබැද්ද, පෑලියගොඩ සහ නුගේගොඩ යන ප්‍රදේශවල ප්‍රධාන රථගාල් 3ක් ඉදිකිරීමටත් එම රථගාල්වල සිට කොළඹ දක්වා සුඛෝපභෝගි බස් රථ සේවාවක් ලබන අගෝස්තු මස සිට ආරම්භ කිරීමටත් රජය සැලසුම් කර තිබේ. ඉන්ධන නාස්තිය අවමකර ගැනීම සහ කොළඹ නගරයට පැමිණෙන වාහන ප්‍රමාණය අවම කර ගැනීමත් අරමුණු කර ගනිමින් මේ වැඩපිළිවෙළ ක්‍රියාත්මක කෙරේ.

මොරටුව විශ්වවිද්‍යාලය විසින් කරනු ලද සමීක්ෂණයකින් හෙළි වී ඇත්තේ දිනකට මගීන් 8,33,000ක් පමණ බැහැරින් කොළඹට පැමිණෙන බවයි. දුම්රිය මගින් පමණක් දිනකට 83,000ක් පමණ කොළඹට පැමිණේ. පුද්ගලික රථවාහන 175,000ක් පමණ දිනපතා කොළඹ නගරයට පැමිණේ. වැඩි විස්තර....

ජනගහන වර්ධන වේගය පහළට සාක්ෂරතාව ඉහළට - news.lk

ජනගහන වර්ධන වේගය පහළ වැටෙමින් පවතින අතර සාක්ෂරතා අනුපාතිකය , අධ්‍යාපන මට්ටම හා සැසඳීමේදී ඉහළ මට්ටමක පවතින බව අධ්‍යාපන අමාත්‍යාංශය පෙන්වා දෙයි.
1940 සාක්ෂරතාවය 40%ක් වූ අතර 2005 වන විට එය 93% දක්වා වර්ධනය වී තිබේ. මෙහිදී වැඩිහිටි ජනගහනයට වඩා තරුණ පිරිස සාක්ෂරතා මට්ටමේ ඉදිරියෙන් සිටින බව අමාත්‍යාංශය පවසයි. වැඩි විස්තර....

උසස් පෙළ සියලුම විෂයයන් ඉංග්‍රීසි මාධ්‍යයෙන් ඉගැන්වීම ආරම්භ වේ - news.lk

අ.පො.ස.(උ/පෙළ) විද්‍යා විෂය ධාරාවට අමතරව වාණිජ, කලා විෂය ධාරාව ඉංග්‍රීසි මාධ්‍යයෙන් ඉගැන්වීම සඳහා දිවයිනේ පාසල් 53ක් තෝරා ගෙන ඇති බව අධ්‍යාපන අමාත්‍යාංශය ප්‍රකාශ කරයි. ඉංග්‍රීසි මාධ්‍යයෙන් මෙම විෂය ධාරාවන් ඉගැන්වීමට අවශ්‍ය පහසුකම් එම පාසල් සඳහා ලබා දෙන මෙන් අධ්‍යාපන අමාත්‍ය සුසිල් ප්‍රේමජයන්ත මහතා උපදෙස් ලබා දී තිබේ.

බස්නාහිර පළාතේ පාසල් 12ක් ද මධ්‍යම පළාතේ පාසල් 8ක් ද මෙසේ තෝරා ගත් පාසල් අතර වේ.

දකුණ සහ වයඹ පළාත්වලින් පාසල් 07 බැගින් තෝරා ගෙන ඇති අතර සබරගමුව පළාතේ පාසල් 08ක්, ඌව පළාතේ 04ක් හා උතුරු පළාතේ පාසල් 03ක් තෝරා ගෙන තිබේ.

නැඟෙනහිර සහ උතුරුමැද පළාත්වලින් පාසල් 02 බැගින් තෝරා ගෙන තිබෙන අතර අ.පො.ස. (උසස් පෙළ) සියලු ම විෂයන් ඉංග්‍රීසි මාධ්‍යයෙන් ඉගැන්වේ.